” Təmiz Şəhər ” ASC-nin 9 iyun 2014-cü il tarixli qərarı ilə ” Ekokat ” MMC Sənayə Parkının rezidenti qismində qeydiyyata alınmış və bu barədə rezidentə müvafiq şəhadətnamə verilmişdi.
– ” Ekokat ” mmc-nin fəaliyyəti haqda məlumat:
Azərbaycan Respublikası Prezidentinin Abşeronun və Xəzər hövzəsinin neft tullantılarından təmizlənməsi barədə verdiyi tövsiyyə və göstərişləri nəzərə alaraq, yeni yaradılmış ” Ekokat ” MMC Respublikada bir sıra tanınmış alim və mütəxəssiləri ( xüsusən Azərbaycan Milli Elmlər Akademiyasında işləyən mütəxəssisləri ) cəlb edərək bu sahədə geniş tətqiqat və araşdırmalar aparmış və müəyyən etmişdir, böyük təhlükə mənbəyi olan işlənmiş yağların (xüsusilə də işlənmiş motor yağlarının ) idarə edilməsinə demək olar ki, diqqət yetirilməmişdir. Qeyd edək ki, dünyanın bütün qabaqcıl ölkələrində işlənmiş yağların mərkəzləşmiş qaydada toplanmasına və regenerasiya olunmasına böyük önəm verilir. Xüsusən dünyada neft ehtiyatlarının getdikcə azalması səbəbindən bu məsələ daha da aktual xarakter daşıyır.